Бектенов мемлекеттен қолдау алатындарға ескерту жасады

Премьер-министр Олжас Бектенов Үкімет отырысында мемлекеттік қолдау алатындарға ескерту жасады, деп хабарлайды El.kz ақпарат агенттігі.

Ол өз сөзінде бюджеттен көмек берілетіндер жергілікті өндірушілерді қолдауы керектігін алға тартты.

Мемлекеттік қолдауды алғандардың барлығына тиісті құқықтық тетіктер жасау керек. Мемлекеттік қолдау аласыз – сіз бұл ресурстарды жергілікті өндірушілерді қолдауға бағыттауға міндеттісіз. Яғни егер біз бюджеттен немесе ұлттық даму институттарының қаражатынан ақша берсек, онда олар біз импорттайтын басқа елдердің экономикасына емес, Қазақстан экономикасына жұмыс істеуі тиіс. Егер өзімізде бірдеңе өндірілмесе, онда Қазақстанға локализациялау мақсатында келіссөздер жүргізу қажет және мұнда өнім өндіріп, мемлекеттік қолдау шараларын алатын болады. Мұндай қатаң қадағалау сақталуы керек, - деді Бектенов.