"Байтақ" жасылдар партиясы кандидаттарын ұсынды

"Байтақ" жасылдар партиясының съезінде Мәжіліске кандидаттардың тізімі бекітілді, деп хабарлайды El.kz ақпараттық агенттігі.

Барлығы 19 кандидат. Өзін-өзі ұсынғандар — 4. Соның ішінде әйелдер квотасы бойынша - 4, жастар квотасы бойынша - 1 және осал топтарға - 1 квота. Партия жетекшісі Азаматхан Әміртай партияның бір күнде құрылмағанын және 2015 жылдан бері жұмыс жасап келе жатқанын тілге тиек етті.

"Ең алдымен біз табиғатқа жаны ашитын, қоршаған ортаның ахуалына бей-жай қарамайтын азаматтарды біріктіру үшін экологиялық қозғалыс құрдық. Тек экологтарды ғана емес, табиғатқа алаңдайтын барша отандастырымызды біріктіргіміз келді", — деді ол.

Сондай-ақ, төраға Арал мен Семей полигонына, Қазақстанның батысындағы жер қойнауын пайдаланушылардан қалған қалдықтарының проблемаларына басты назар керек екенін айтты.