Батыс Қазақстан тұрғыны қардан полиция көлігінің мүсінін жасады

Достық ауылының тұрғыны Надирдің айтуынша, ол ешқашан полицияда қызмет етпеген және тек тәртіп сақшыларына құрмет көрсету үшін қызметтік көлік мүсінін жасауға ой туындаған, деп хабарлайды El.kz ақпараттық агенттігі.

– Мен өзім заңға бағынатын азаматпын, полиция қызметкерлеріне үлкен құрметпен қараймын және барлық азаматтарды құрмет көрсетуге шақырамын. Полиция қызметкерлерінің жұмысы өте күрделі және қауіпті, бұл адамдар біздің қауіпсіздігімізді сақтайды, – деді Надир Қуанаев.

Айта кету керек, бұл оның алғашқы мүсіні емес, өткен жылы Орал ақ мешітінің көшірмесін және жарыс машинасының мүсінін қардан жасап шыққан.