Басты
Жаңалықтар
Батыс Қазақстанда бірнеше тұрғын үй өртеніп кетті

Батыс Қазақстанда бірнеше тұрғын үй өртеніп кетті

Фото: БҚО ТЖД баспасөз қызметі
Батыс Қазақстан облысында екі тұрғын үй қорасымен бірге өртеніп кетті, деп хабарлайды El.kz облыстық Төтенше жағдайлар департаментінің баспасөз қызметіне сілтеме жасап.

Оқиға түскі сағат 14.00 шамасында Жәнібек ауылында болған.

– Әуелі Әбдірахманов көшесінде шөп қора жанған. Кейін желдің салдарынан өрт Б.Жәнекешев көшесі, 105 және 180-үйлерге ауысып, үй мен қора-қопсылары түгелдей жанып кетті. Оған қоса тағы екі үйдің қорасы мен бір үйдің гаражы отқа оранды, – делінген хабарламада.

Ірі өртті ауыздықтауға жергілікті тұрғындар, техникалармен қатар көршілес аудандар мен Орал қаласынан өрт сөндірушілер тартылған.

– Сағат 18.12-де беті қайтқан өрттен зардап шеккендер жоқ, – делінген облыстық ТЖД таратқан хабарламада.

Қазіргі кезде өрттің шығу себебі анықталып жатыр.

Қысқа да нұсқа. Жазылыңыз telegram - ға

Оқи отырыңыз

{