Баспасөз қызметі мен БАҚ өкілдері үшін үш айлық курс жалғасады

Астанада баспасөз қызметі мен БАҚ өкілдеріне арналған «Салалық журналистика мен медиакоммуникациядағы өзекті тәсілдер» атты үш айлық курс басталды, деп хабарлайды El.kz интернет порталы.

Іс-шараның ашылуында мәдениет және ақпарат вице-министрі Қанат Ысқақов «Дағдарыс коммуникациясының негізгі аспектілері» тақырыбында баяндама жасады. Вице-министр өз сөзінде баспасөз қызметтерінің жұмыс істеу қағидаттары, дағдарыс жағдайындағы жұмыс кезеңдері, тиімді коммуникация арналары, сондай-ақ халықаралық тәжірибе туралы айтты.

Сонымен бірге, ҚР Жоғарғы Сотының Коммуникациялар бөлімінің меңгерушісі Перизат Сәдуақас-Хайруллина, ҚР Энергетика министрлігінің ресми өкілі Әсел Серікпаева спикер ретінде сөз алды. Іс-шараға мемлекеттік және жергілікті атқарушы органдардың, квазимемлекеттік құрылымдардың 60 баспасөз қызметінің өкілі қатысты.

Аталған курс қазақ және орыс тілдерінде өтіп, бүкіл Қазақстан бойынша онлайн-трансляция арқылы көрсетіледі.