Бали маңында паром апатқа ұшырап, 61 адам із-түссіз жоғалды

Бали аралына жақын маңда паром суға батып, салдарынан кемінде 61 адам із-түссіз жоғалып кетті, деп хабарлайды El.kz интернет порталы.

Оқиға жергілікті уақытпен түнгі 23:00 шамасында болған.

Парoмда барлығы 53 жолаушы және 12 экипаж мүшесі болған. Сондай-ақ, бортта 22 көлік тасымалданған. Бастапқыда құтқарушылар төрт адамды аман алып шықты. Қазіргі уақытта қазақстандықтардың арасында болған-болмағаны белгісіз.

Оқиға орнында жаға күзеті мен іздестіру-құтқару топтары жұмылдырылды. Жағдайды бақылауға алу үшін бірнеше кеме тартылған.

Соңғы мәлімет бойынша 16 адам құтқарылған, кемінде 2 адамның қаза тапқаны расталды. Паром Кетапанг портынан Гилиманук портына бағыт алған. Кеме қозғалтқыш бөлігінде тесік пайда болып, соның салдарынан электр жүйесі істен шыққан. Нәтижесінде паром аударылып кеткен.

Іздестіру-құтқару жұмыстары жалғасуда.

Бұған дейін Үндістанда ұшақ апатқа ұшырағаны туралы жазған едік.