Баласына 5 миллион теңге алимент төлемеген әке ұсталды

Павлодар облысында баласына 5 млн теңге алимент төлемеген әке қолға түсті. Бұл туралы Полиция департаменті мәлімдеді, деп хабарлайды El.kz ақпарат агенттігі.

Шарбақты ауданының полициясына баланы асырауға ақшалай қаражатты төлемеу фактісі бойынша өтініш келіп түсті. Ауыл тұрғыны ұлына алимент төлемейтін бұрынғы жұбайына шағымданған.

Сот шешіміне қарамастан, ер адам 2015 жылдан бастап алимент төлеуден жасырынып, балалармен кездесуден аулақ болды. Ер адам қарыз сомасын өндіріп алу туралы сот шешімін одан әрі орындау үшін ұсталды, «ұмытшақ» ата-ана жеке сот орындаушысына берілді, – делінген хабарламада.

Жыл басынан бері балаларды асырауға қаражат төлеу бойынша міндеттерді орындамаудың 30 фактісі тіркелген. Егер айыппұлдар немесе қамауға алу қолданылмаса, қылмыстық жауапкершілік туындайды. Балаға алимент төлеушілер жауапкершіліктен қанша жалтаруға тырысса да, балаларының алдындағы қарызын өтеуі керек.