Баламен пойызға міну ережесін білесіз бе

Жазғы демалыстың басталуына байланысты балаларымен бірге теміржол арқылы сапар шегетін жолаушылар саны артып жатыр. Осыған орай, Ұлттық тасымалдаушы ата-аналар мен жолаушыларды балаларды пойызда тасымалдау тәртібін қатаң сақтауға шақырады.

7 жасқа дейінгі балалар

• Ата-аналар 7 жасқа дейінгі бір баланы жеке орынсыз тегін алып жүре алады.

• Егер балаға бөлек орын қажет болса, балалар билеті рәсімделуі тиіс.

• Бірнеше баламен сапар шегетін ата-аналар тек бір баланы ғана тегін алып жүре алады. Қалғандары үшін балалар билеті сатып алынады.

7-15 жас аралығындағы балалар

• Бұл жастағы балалар тек балалар билетімен сапарлай алады.

• Мұндай билет құны — ересектер билеті бағасының 50%-ы.

15 жастан асқан балалар

• Бұл жастағы балаларға толық құны бар ересектер билеті рәсімделеді.

• Олар өз бетімен сапар шеге алады, бірақ қолында ата-ананың немесе заңды өкілдің нотариалды расталған жазбаша рұқсаты болуы қажет.

Ел ішіндегі сапарлардың тәртібі

• 5 жасқа дейінгі балалар — орынсыз тегін сапарлайды.

• 5-10 жас аралығы — арнайы балалар тарифі.

• 10-15 жас аралығы:

Қазақстан аумағында — жолақының 50%-ы,

Шетел аумағында — толық тариф бойынша билет алынады.

Құжаттар талаптары

• Бала ата-анасымен бірге жүрсе — туу туралы куәлік немесе төлқұжат болуы қажет.

• Егер баланы заңды өкілі емес адам ертіп жүрсе — екі ата-ананың нотариалды куәландырылған рұқсаты талап етіледі.

Қауіпсіздік – басты назарда

Ұлттық тасымалдаушы барлық жолаушыларды қауіпсіздік ережелерін сақтауға және балалардың әрдайым ересектердің қарауында болуын қамтамасыз етуге шақырады.