Балаларын үйінен қуып шыққан Марат Әйтеновтің автокөлігі тәркіленді

Жеке сот орындаушылары алименттер бойынша қарызы жиналып қалған Шымкент қаласы бұрынғы әкімінің бауыры Марат Әйтеновтің Mercedes автокөлігін тәркіледі, деп хабарлайды El.kz ақпарат агенттігі.

Астана қаласының жеке сот орындаушыларының өңірлік палатасы таратқан мәлімет бойынша, Әйтеновтің өз балаларына 23 миллион теңге берешегі бар болып шықты.

Көлік саудаға қойылып, одан түскен қаражат қарыздарды жабуға жұмсалады, - делінген ұйымның мәліметінде.

Әйтеновтің бұрынғы әйелі Дана Әтешованың сөзіне қарағанда, оның бұрынғы күйеуі одан көлігінің бар екенін жасыруға тырысқан.

Естеріңізде болса, экс-шенеуніктің бауыры өзінің бұрынғы әйелі мен балаларын үйден заңсыз қауып, басы дауға қалған.