«Бағанашыл» балалар үйіндегі тексеріс: комиссия нені анықтап жатыр

ҚР Президенті әкімшілігінің комиссиясы Алматы қаласындағы «Бағанашыл» балалар үйінің қызметіне байланысты жан-жақты әрі объективті қызметтік тексеру жүргізуге барды, деп хабарлайды El.kz интернет порталы.

Комиссия мүшелері мекеменің тәрбиеленушілерімен, басшылығымен және қызметкерлерімен, сондай-ақ білім беру саласының өкілдерімен кездесті.

Тексеру шеңберінде Президент әкімшілігінің өкілдері балалар үйінде тұру және оқу жағдайларымен танысып, іргелес инфрақұрылым ғимараттарын тексерді. Қазір көшу туралы шешім қабылдауға байланысты құжаттаманы жинау және талдау жүргізілуде. Жетім балаларға қатысты заңнамада көзделген барлық әлеуметтік және құқықтық кепілдіктердің сақталуына ерекше назар аударылатын болады.

Тексеру балалардың құқықтары мен мүдделерін қорғауға басымдықпен жүргізіледі.

Бұған дейін бұл мәселеге мемлекет басшысының өзі назар аударғаны жайлы жазғанбыз.