Басты
Жаңалықтар
Қоғам
БАӘ-де қаза болған екі қазақстандықтың денесі елге жеткізілді

БАӘ-де қаза болған екі қазақстандықтың денесі елге жеткізілді

Асқар Таудай
Фото: Бейнежазбадан скриншот

Біріккен Араб Әмірліктерінде қаза болған Қазақстанның екі азаматының денесі елге жеткізу үшін жөнелтілді. Бұл туралы ҚР Сыртқы істер министрлігінің ресми өкілі Жанболат Үсенов мәлімдеді.

Оның айтуынша, 28 тамызда Қазақстанның Дубайдағы Бас консулдығы қаза болған азаматтар Ақжан Боханова мен Жұлдыз Боханованың денелерін Отанына жөнелтуді ұйымдастырған.

28 тамызда ҚР Дубайдағы Бас консулдығы қаза болған Қазақстан азаматтары Ақжан Боханова мен Жұлдыз Боханованың денелерін Отанына жөнелтуді ұйымдастырды, - деп жазды Жанболат Үсенов.

Қазіргі уақытта қазақстандықтардың қаза болу себептері мен мән-жайларын БАӘ-нің құқық қорғау органдары тергеп жатыр. Қазақстандық дипломаттар Әмірлік прокуратурасымен және басқа да құзырлы органдармен тұрақты байланыста.

Сыртқы істер министрлігінің өкілдері марқұмдардың отбасына қажетті көмек көрсетуді жалғастыратынын хабарлады.

Қазақстан Республикасының Сыртқы істер министрлігі қаза болғандардың туған-туыстары мен жақындарына шын жүректен көңіл айтады, - деді Жанболат Үсенов.

Еске салайық, бұған дейін ҚР Сыртқы істер министрлігі БАӘ-нің Шарджа қаласында Қазақстанның екі азаматы қаза болғанын хабарлаған еді.

Қысқа да нұсқа. Жазылыңыз telegram - ға

Оқи отырыңыз

{