«Бәйтерек» холдингі еншілес ұйымдардың санын қысқартты

«Бәйтерек» холдингі еншілес ұйымдардың санын қысқартты, деп хабарлайды El.kz. «Бәйтерек» ұлттық басқарушы холдингі» АҚ өз құрылымын оңтайландыру бойынша жұмыс жүргізді.

Мемлекет басшысының тапсырмасын орындау шеңберінде «Бәйтерек» ҰБХ» АҚ ағымдағы жылдың 25 шілдесінде «ҚазАгроҚаржы» АҚ (ҚАҚ) акцияларының 100%-ын «Аграрлық несие корпорациясы» АҚ-ға (АНК) берді. «Бәйтерек» ҰБХ» АҚ еншілес компанияларының жалпы саны 7-ге дейін қысқартылды.

ҚАҚ АНК-нің еншілес компаниясына айналып, ауыл шаруашылығы техникасы мен жабдықтарын лизингке беру бойынша өзінің негізгі қызметін жалғастырады. Жүргізілген ұйымдастырушылық өзгерістер ҚАҚ-тың қазіргі клиенттеріне әсер етпейді және іске асырылатын лизингтік бағдарламалардың шарттарына әсер етпейді.