Бүгін «Барбанг» Қазақстан күрдтері қауымдастығының вице-президенті Вакиль Набиевтің туған күні

Вакиль Набиев 1982 жылы 1 тамызда Қырғызстандағы Ош облысының Михайловка ауылында туған.

Абай атындағы Алматы мемлекеттік университетінің «Халықаралық құқық» факультетінде және «Тұран» университетінің «Экономика» факультетінде білім алған. Абай атындағы ҚазҰПУ-дің магистранты.

Оңтүстік Кореяның Сеул қаласында халықаралық тағылымдамадан өткен.

2017 жылы ҚазҰПУ-дің «Саясаттану» мамандығы бойынша докторанты атанды.

Қоғамдық жұмысқа студенттік жылдары араласа бастаған В. Набиев бүгінгі таңда «Барбанг» Қазақстан күрдтері қауымдастығының вице-президенті. Алматы қалалық филиалының төрағасы.

2014 жылы Қазақстан халқы Ассамблеясы жанынан «Жарасым» республикалық жастар ұйымын құрған бастамашылардың бірі, ҚХА жанындағы «Жарасым» РЖҰ төрағасының орынбасары қызметін атқарған.  

Қазақстан халқы Ассамблеясы мүшесі, сонымен қатар ҚХА-ның және Алматы қаласының Қоғамдық кеңесінің мүшесі.

«Қазақстан халқы Ассамблеясының 20 жылдығы», «Қазақстан Республикасының Тәуелсіздігіне 25 жыл», ҚХА «Бірлік» медальдарының иегері. ҚХА Алғыс хатымен марапатталған.

Отбасылы, үш баласы бар.