Азия чемпионатында спортшыларымыз Жапониядан жеңілді

Таиландтың Накхонратчасима қаласында өтіп жатқан волейболдан әйелдер арасындағы Азия чемпионатында Қазақстан құрамасы плей-офф сатысында Жапониядан жеңіліп қалды, деп хабарлайды El.kz ақпарат агенттігі.

Қазақстандық волейболшылар Жапония құрамасымен кездесті. Ойын барысында олар қарсыласына 0:3 (13:25, 20:25, 18:25) есебімен жеңіліп қалды.

Енді ел құрамасы 4 қыркүйекте Үндістанмен шеберлік байқасады.

Еске салсақ, топтық кезеңде қазақстандық волейболшылар D тобында сынға түсті. Алдымен, Филиппинді тай-брейкте 3:2 (25:21, 17:25, 24:26, 27:25, 15:6) есебімен жеңсе, одан кейін Гонконгты 3:0 (25:16, 25:23, 25:17) есебімен басып озса, Қытайдан 0:3 (12:25, 21:25, 10:25 ) есебімен жеңілді.