Қазан айында қанша күн демаламыз?

Осы жылдан бастап Қазақстандықтарда жаңа мереке – 25 қазанда атап өтілетін Республика күні пайда болды, деп хабарлайды El.kz

«Қазақстан Республикасындағы мерекелер туралы» Заңға енгізілген өзгерістерге сәйкес Республика күні ұлттық мереке болып бекітілді.

Ол сейсенбіге келеді және жұмыс уақытын ұтымды пайдалану үшін Қазақстан Үкіметі демалыс күнін 2022 жылғы 22 қазандағы сенбіден 2022 жылғы 24 қазандағы дүйсенбіге ауыстыру туралы қаулы дайындады.

Осылайша, Республика күніне бес күндік жұмыс аптасында қазақстандықтар 23, 24 және 25 қазанда демалады.

Алты күндік жұмыс аптасында - екі күн, 23, 25 қазанда демалады.

Қазан айындағы барлық жұмыс және демалыс күндері:

• бес күндік жұмыс аптасында - 20 жұмыс күні және 11 демалыс күні;
• алты күндік жұмыс аптасында - 25 жұмыс күні және алты демалыс күні.