Қазақстанның 100 жаңа есімі

Елбасының  «Болашаққа бағдар: рухани жаңғыру» бағдарламалық мақаласының  «Қазақстанның 100 жаңа есімі»  жобасының 2018 жылғы  кезекті кезеңін жүзеге асыру мақсатында ағымдағы жылдың 7 тамызы күні  «Рухани жаңғыру» орталығында үміткерлерімен кездесу жиыны өтті.

Шараны облыстық Қазақстан халқы Ассамблеясы мен «Достық үйі —қоғамдық келісім» орталығы ұйымдастырды.

Жиынның мақсаты — Тәуелсіздік кезеңінде еліміздің көркеюіне үлес қосқан, ұлтымыздың алтын қорына енуге лайықты жерлестерімізді көпшілікке таныту.

Аталған шараға, облыстық Қазақстан халқы Ассамблеясы, Жастар саясаты мәселелері, Дене шынықтыру және спорт, Тілдерді дамыту жөніндегі, Ішкі саясат, Мәдениет, мұрағаттар және құжаттама басқармасының басшылары, аудан, қалалық ішкі саясат бөлімінің қызметкерлері, «100 жаңа есім» үміткерлерімен  БАҚ өкілдері және 2017 жылдың «100 жаңа есім» жобасының жеңімпазы Е. Баялышбаев қатысып үміткерлерге сәттілік тіледі.

Шарада төрағалық еткен «Достық үйі – Қоғамдық келісім орталығының» директоры Т.Қасымберкебаев ұсынылған үміткерлерге жобаның мақсатын толық түсіндіріп, елі, жері үшін аянбай еңбек етіп жүрген жандарға жылы лебізін білдірді.