Айымбетовтің Түркиядағы жалақысы белгілі болды

Қазақстан құрамасы мен Түркияның «Адана Демирспор» клубының шабуылшысының табысы «Реал Мадридтің» бұрынғы шабуылшысымен шамалас екен, деп хабарлайды El.kz ақпарат агенттігі.

Ақпан айының басында Түркия суперлигасы тағы бір қазақстандық ойыншымен толықты. Бахтиер Зайнтудиновке 28 жастағы шабуылшы Абат Айымбетов қосылды.

Танымал capology.com порталының мәліметінше, қазақстандық футболшы «Адана Демирспордағы» екі маусымда 1 миллион 240 мың еуро (590 миллион теңге) табыс табады.

«Адана Демирспордағы» жалақысы ең жоғары футболшы – Марио Балотелли: италиялық бір маусымда 3 миллион 330 мың еуро алады. «Реалдың» бұрынғы ойыншысы Хосе Родригезтің де жалақысы Абат Айымбетовпен шамалас – жылына 650 мың еуро.

Айта кетейік, Абат Айымбетов Суперлиганың жеті матчында алаңға шығып, әзірге нәтижелі әрекетімен көзге түскен жоқ.