Айсұлтан Сейітов Шанхай халықаралық кинофестивалінде топ жарды

Айсұлтан Сейітов Шанхай халықаралық кинофестивалінде «Үздік режиссер» номинациясында жеңіске жетті, деп хабарлайды El.kz ақпарат агенттігі.

Сейітов 25-рет ұйымдастырылып отырған Шанхай халықаралық кинофестивалінде ҚАШ фильмімен сынға түскен болатын.

«ҚАШ» фильмі Asian New Talent санатында бірден үш номинация бойынша үздік атағына үміткер болды:

Үздік фильм – Айсұлтан Сейітов;
Үздік режиссер – Айсұлтан Сейітов;
Үздік сценарист – Абылай Нұрманбетов.

Сейітовтің өзі instagram-ында «Үздік режиссер. Рахмет», - деп жазды.