Қайрат Сатыбалдының қаңтар оқиғасына қатысы бар-жоғы айтылды

Астана соты Қайрат Сатыбалдыұлына қатысты үкім шығарды. Мемлекеттік мекеме оның Қаңтар оқиғасына қатысы бар-жоғына қатысты пікір білдірді, - деп хабарлайды EL.KZ Tengrinews.kz-ке сілтеме жасап.

26 қыркүйекте Астана қаласы Байқоңыр ауданының №2 соты Қайрат Сатыбалдыұлын "Көлік сервис орталығы" АҚ мүлкін жымқыру және "Қазақтелеком" АҚ-на мүліктік залал келтіру дерегі бойынша алты жылға бас бостандығынан айырды.

Кейбір БАҚ мәліметінше, Сатыбалдыұлының Қаңтардағы тәртіпсіздіктерді ұйымдастыруға қатысы болуы мүмкін. Алайда оған тергеудің бұл бөлігі бойынша ешқандай айып тағылған жоқ, - деп түсіндірді баспасөз қызметі өкілдері. 

Сот өз шешімін былай түсіндірді:

• жеңілдететін мән-жайлардың болуы;
• ауырлататын мән-жайлардың болмауы;
• қылмыстық құқықбұзушылықтарды ашудағы белсенді ролі;
• кінәсін мойындау;
• залалды өтеу;

Сатыбалдыұлының белсенді ролі және қалған қатысушылардың қылмыстарды ашудағы қосалқы ролі.

Еске салайық, бұған дейін Қайрат Сатыбалдыұлына қатысты сот үкімі шығып, ол алты жылға бас бостандығынан айырылғанын хабарлаған едік.