Әйелдердің зейнет жасы қайта қаралуы мүмкін

Бұл туралы Еңбек және халықты әлеуметтік қорғау министрі Тамара Дүйсенова айтты, деп хабарлайды El.kz ақпараттық агенттігі.

2028 жылға дейін Қазақстан әйелдері 61 жастан зейнетке шығады. Ал 2029 жылдан бастап зейнет жасы ұлғая ма, әлде төмендетіле ме бұл екі факторға байланысты, - деді Еңбек министрі.

Шешім қабылдар кезде әйелдердің орташа өмір сүру ұзақтығы және зейнетақымен қамтамасыз етілу деңгейі негізге алынады.

Алдағы бес жылда денсаулық сақтау саласында ірі ұлттық жоба іске асырылады. Нәтижесінде, азаматтарымыздың өмір сүру ұзақтығының жақсаратын болса, 2029 жылдан бастап біз бұл мәселеге қайта ораламыз, егер бәрі осы деңгейде қалса немесе, керісінше, төменірек болса, онда әрине, жас шектеуі мәселесі міндетті түрде қайта қаралады, - дейді ҚР Еңбек және халықты әлеуметтік қорғау министрі Тамара Дүйсенова.