Ауылдарды толығымен сумен жабдықтау қызметтері қамтамасыз етіледі

Ауылдық аймақтарды дамыту барлық қолданыстағы бағдарламалық құжаттар шеңберінде жүзеге асырылады, деп хабарлайды El.kz ақпараттық агенттігі.

Экономика вице-министрі қабылданып жатқан кешенді шаралар нәтижесінде 2027 жылға қарай табысы ең төменгі күнкөрісі ауыл халқының үлесін 6,5%-ға төмендету күтілетіндігін мәлімдеді.

«Ауылдарды толығымен сумен жабдықтау қызметтері қамтамасыз етіледі. Бұл жерде тек қана орталықтандырылған ауыз су емес екендігіне назар аударғандарыңызды сұраймыз», деді вице-министр.

Ол ауылдық жерлерде интернет желісін пайдаланушылардың саны 97%-ға жеткізу күтілетіндігін айтты. Сонымен қатар даму әлеуметі жоғары барлық 3500 ауылдың инфрақұрылымын жаңарту жүзеге асырылатын болады.

 «Ауылдарды қаржыландыру негізінен «Ауыл­­ – ел бесігі» жобасы шеңберінде республикалық бюджет есебінен жүзеге асырылады. Бұл ретте басқа ауылдарды дамыту жергілікті бюджет және басқа да көздер есебінен қаржыландырылады» , деді Бауыржан Омарбеков.

Алдағы уақытта ауылдық жерлерде 650-ге жуық мәдени обьектілер мен 100 спорт ғимараттары салынатын болады.

Осыған дейін «Ауыл –  ел бесігі» жобасына биыл 143 миллиард теңге бөлінгенін мәлімдеген едік.

Осыған дейін Экономика вице-министрі «Дипломмен ауылға» жобасына бюджеттен 20 миллиард  теңге қарастырылатынын мәлімдеген еді.