Аустрияның Қазақстандағы Елшісі Вилли Кемпельдің дипломатиялық миссиясы аяқталды

Қазақстан Республикасы Сыртқы істер министрінің орынбасары Роман Василенко Қазақстандағы дипломатиялық миссиясының аяқталуына орай Аустрияның Елшісі Вилли Кемпельді қабылдады, деп хабарлайды El.kz aқпарат агенттігі СІМ-нің баспасөз қызметіне сілтеме жасап. 

Тараптар екіжақты байланыстардың белсенділігі мен сауда-экономикалық іс-қимылдың өсуін атап өтіп, өзара тиімді серіктестікті одан әрі тереңдетуге ықыластарын жеткізді.

Р.Василенко саяси диалогты тиісті деңгейде сақтап, экономикалық және инвестициялық ынтымақтастықты ұлғайтудың, сондай-ақ шарттық-құқықтық базаны кеңейтудің маңыздылығын айтты.

Кездесуді қорытындылай келе, Р.Василенко Аустрия дипломатына жемісті өзара әрекеттестігі және Қазақстан-Аустрия қарым-қатынастарын нығайтуға қосқан маңызды үлесі үшін алғыс білдірді.