Australian Open-ге қатысатын қазақстандық теннисшілердің қарсыласы белгілі болды

Қазақстан құрамасының теннисшілері Australian Open-2025 турниріндегі алғашқы қарсыластарын анықтады, деп хабарлайды El.kz ақпарат агенттігі.

Еліміздің теннис федерациясының мәліметінше, әлемнің алтыншы ракеткасы Елена Рыбакина бірінші айналымда 16 жастағы австралиялық Эмерсон Джонспен (WTA рейтингінде 371-орында) кездеседі. Юлия Путинцева (WTA рейтингінде 25-орында) жарысты армениялық Элина Аванесянға қарсы (WTA рейтингінде 44-орында) бастайды.

Александр Шевченко (ATP рейтингінде 72-орында) алғашқы матчында әлемнің үшінші ракеткасы Карлос Алькарасқа (Испания) қарсы ойнайды. Ал Александр Бублик (ATP рейтингінде 27-орында) турнирді аргентиналық Франсиско Серундоломен (ATP рейтингінде 31-орында) кездесуден бастайды. Аустралияның ашық чемпионаты 12-26 қаңтар аралығында өтеді.