Кабулда әйелдерге ғана арналған базар ашылды, деп хабарлайды El.kz ақпарат агенттігі.
Жергілікті компаниялардың бірі Кабулда жүзден астам әйелді жұмыспен қамтуға мүмкіндік беретін эксклюзивті әйелдер базарын ашты.
Оны құрудағы басты мақсат – кейінгі екі жыл ішінде жұмыссыз жүрген әйелдерге жұмысқа орналасуға мүмкіндік беру.
Оқи отырыңыз:
Бұл нарықты құрудың негізгі мақсаты – Ауғанстанда тұратын барлық әйелге қолайлы жағдай жасау, - дейді базардың негізін қалаушы Раджмана Халики.
Базардағы кәсіпкерлер ұйымдастырушыларға әйелдер үшін қауіпсіз орын құрғаны үшін алғысын білдіріп, ел билігінен кәсіпкерлерді қолдауды сұрады.
Әйелдердің арасында ел билігінен оларға жұмыс істеуге мүмкіндік беруді сұрағандар да бар.
Базар шамамен 20 акр аумақты алып жатыр және 50 миллион ауғанға салынды.