Атыраулық полицейлер 1500 доза есірткі затын сақтаған күдіктіні анықтады

Атыраулық полицейлер 1500 доза есірткі затын сақтаған күдіктіні анықтады, деп хабарлайды Еl.kz ақпарат агенттігі.

Атырау облысы полиция департаменті есірткі қылмысына қарсы іс-қимыл басқармасының қызметкерлері жедел-іздестіру шараларын жүргізу барысында қала аумағында синтетикалық есірткіні сақтаған деген күдікпен Абай облысының 1998 ж.т. тұрғынын ұстады. 

Оқи отырыңыз:

• Қытайда пара алған жоғары лауазымды шенеунік өлім жазасына кесілді
• Екібастұзда 4 автогаз құю бекетінен өрт шығып, бір адам көз жұмды

Медициналық сараптама қорытындысымен тәркіленген есірткі затының салмағы 487,75 грамм 1500 доза болатын «Мефедрон» синтетикалық есірткі екені анықталды.

Қазіргі таңда, ҚК 296-бабы 4-бөлігімен сотқа дейінгі тергеп-тексеру амалдары басталды.