Атыраулық өрт сөндірушілер 4 баланы ажалдан аман алып қалды

2022 жылғы 7 шілдеде кезекші пультіне 06:20 сағатта  Атырау қаласы, Авангард 4 м/а 5 қабатты тұрғын үйде түтін шыққаны  туралы хабар келіп түсті, деп хабарлайды EL.KZ ТЖМ баспасөз қызметіне сілтеме жасап.

Оқиға орнына өрт сөндірушілер жеткен кезде, 4-ші қабатта орналасқан пәтердің ауданы 15 шаршы метр болатын жатын бөлмесінің ашық отпен жанып жатырғаны анықталды.

Өрт сөндірушілер өрт кезінде дәліз баспалдағы арқылы 4 баланы құткарды. Екі ересек адам өз күшімен далаға шықты. Тағы бір 2003 жылғы бойжеткен дәліз бойымен түсіп келе жатырғанда есінен танып, талып қалды. Полиция қызметкерлері бойжеткенді сыртқа эвакуациялап, 103 қызметкерлеріне табыстады. Өрт 06:46 сағатта оқшауланып, 06:50 сағатта толыктай жойылды - делінген хабарламада.

Өртті сөндіруге Атырау облысы ТЖД «Өрт сөндіру және авариялық-құтқару жұмыстары қызметі» ММ № 3 өрт сөндіру бөлімі  (6 қызметкер, 2 бірлік техника), № 13 мамандандырылған өрт сөндіру бөлімі  (6 қызметкер, 1 бірлік техника) жұмылдырылды.

Құрметті Атырау облысының тұрғындары! Өрт қауіпсіздігі ережелерін қатаң сақтауларыңыз сұралады!