Атыраудағы өрттің бір бөлігі сөндірілді

Әуеден барлау барысында шамамен 400 шаршы метр алаңда қамыстың 2 ашық жануы және 1 га алаңда қамыстың бір ошағының бықсып жатқаны анықталды, деп хабарлайды EL.KZ ТЖМ баспасөз қызметіне сілтеме жасап.  

Қамыс өрті әзірге "Ақ Жайық" мемлекеттік табиғи резерватының аумағына таралған жоқ. Сөндіру жұмыстарын жүргізген сәттен бастап су ағызу құрылғысы бар ҚР ТЖМ МИ-8 тікұшағымен 33 рет жану ошақтарына су шашты. Шамамен аумағы 400 шаршы метр болатын қамыстың ашық отпен жанып жатқан 1 ошағы сөндірілді. Өрт сөндіру бойынша жұмыстар жалғасуда - делінген хабарламада.