Атырауда тазалықты сақтамаған 8 мыңнан астам құқық бұзушы анықталды

Атырауда жыл басынан бері тазалық рейді барысында 8340 құқықбұзушылық анықталды, деп хабарлайды El.kz ақпарат агенттігі. 

Өңірде рейдтік іс-шаралар ейдтік шаралар тұрақты түрде өткізіліп келеді. Бұл жұмыстарға полицейлер мен әкімдік мамандары бірлесіп қатысуда.

Жыл басынан бері Әкімшілік құқықбұзушылық туралы кодекстің 434-2-бабы (қоғамдық орындарды ластау), 505-бабы (қалалар мен елдімекендердің аумақтарын абаттандыру қағидаларын бұзу), 386-бабы (жасыл екпелерді жою және бүлдіру) бойынша 8340 әкімшілік құқықбұзушылық фактісі тіркелді. 2795 ескерту, 3045 айыппұл түрінде хаттама толтырылды,- деді Атырау қаласы полиция басқармасының бөлім бастығы Қаршыға Дүйсенғалиев.

Рейд барысында тұрғындарға өз ауласынан тыс 5 метрлік аумақты таза ұстау қажеттігі ескертілуде. Рұқсатсыз қоқыс тастау жағдайлары бойынша түсіндіру жұмыстары жүргізіліп, қажет болғанда әкімшілік шаралар қабылданады.