Атырауда мәйітхана қызметкері марқұмдардың туысынан ақша алып келген

Атырауда мәйітхана қызметкерлері қайтыс болған адамды формалинмен өңдеу қызметі үшін 13 мың теңге орнына заңсыз 100 мың теңге алып келген, деп хабарлайды El.kz ақпараттық агенттігі.

Аtyraupress-тің жазуынша, қазір аталған дерек бойынша тергеу жүргізіліп жатыр. Атырау облыстық патологиялық-анатомиялық бюросының қызметкерлері күдікке ілінген.

Жақындары қайтыс болған адамдар «Атырау Облыстық патологиялық-анатомиялық бюросы» КМҚК-ның есеп айырысу шотына емес,

мәйітхана қоймашысының қызына тиесілі жеке шотына ақша аударуға мәжбүрленген. 

Заң бұзушылықтар туралы анонимді хабарламалар құқық қорғаушыларға берілді және сыбайлас жемқорлыққа қарсы қызмет тарапынан тексерілгені айтылды.