Атырауда бассейнге түскен 14 адам медициналық көмекке жүгінді

Атырауда бассейндердің бірінде хлордан уланудың ықтимал жағдайы тіркелді. Оқиға бүгін 13 шілдеде болған. Полиция іс қозғады, деп хабарлайды El.kz интернет порталы.

Медициналық көмекке 14 адам жүгінген. Ауруханаға 3 адам жатқызылған, олардың жағдайы тұрақты. Қалған тұрғындар дәрігерлердің бақылауында.

Эпидемияға қарсы іс-шаралар жүргізіліп, ауа мен судан сынама алынды. Хлор буы шекті мөлшерден аспаған, зертханалық талдау жұмыстары жалғасуда. Полиция қылмыстық іс қозғады, тергеу жүріп жатыр,-деп атап өтті әкімдіктен.

Облыс әкімі денсаулық сақтау басқармасына зардап шеккендердің жағдайын бақылауда ұстауды міндеттеді. Бұған қоса, өңірдегі бассейндер мен аквапарктерді тексеруге тапсырма берілді.