Астанадағы мектеп лагерінде "Эко-дәстүр" іс-шарасы өтті

Астанадағы Ілияс Есенберлин атындағы №67 гимназия жанындағы жазғы мектеп лагерінде этномәдени-экологиялық бағыттағы «Эко-дәстүрі» алаңы ұйымдастырылды, деп хабарлайды қала әкімдігіне сілтеме жасап El.kz интернет орталы.

Іс-шараның мақсаты – оқушыларды этномәдени құндылықтар мен ұлттық дәстүрлерге баулу, патриоттық тәрбие беру, сондай-ақ экологиялық сананы қалыптастыру. Оған 7 мен 15 жас аралығындағы 500-ден астам оқушы қатысты. Жас ерекшелігі мен тақырыптық бағытқа байланысты 5 түрлі лагерь ұйымдастырылған. 

Біз балаларды ұлттық құндылықтармен, салт-дәстүрмен, мәдениетпен таныстырып жатырмыз. Мұнда «Атамекен» атты этно-киіз үй тігілген. Балалар – дәстүрлі қазақ киімінде, ұлттық ойындар бойынша жарыстар, музыкалық қойылымдар мен билер өткізіліп жатыр, сондай-ақ ұлттық тағамдардан дәм татуға болады. Екінші бағытымыз – экология, – деді №67 мектеп-гимназиясы директорының тәрбие ісі жөніндегі орынбасары Гүлнәр Оңалбаева.