Астана полициясы 1,6 млрд теңге шығын келтірген алаяқтар тобын әшкереледі, деп хабарлайды El.kz ақпарат агенттігі.
ҚР ІІМ мәліметінше, олар азаматтарды алдап, заңсыз автонесие рәсімдеген. Сондай-ақ кепілде тұрған көліктерді иелерінің және екінші деңгейлі банктердің келісімінсіз жақын шетелдерге сатып жіберіп отырған.
Жедел іздестіру іс-шаралары барысында елордалық полиция алаяқтыққа қатысы бар үш күдіктіні анықтады. Олардың кесірінен 115 азамат жапа шеккен. Келтірілген залал көлемі шамамен 1,6 млрд теңгені құрады, - делінген мәліметте.
Полиция осы адамдардың қылмыстық әрекеттерінен зардап шеккендерді құқық қорғау органдарына хабарласуды сұрайды.