Астанадағы селфи жасауға таптырмайтын нысан

Астана күні мерекесіне аз уақыт қалды. Осыған байланысты әлеуметтік желілерде #ILoveAstana хэштегімен сурет салып жатқандарың қатары өртеңге шыққан шөптей қаптай бастады. Оның себебі неде?

Бұл хэштег бойынша сурет жариялаушылар интернет желісінің қазақстандық сегментінде көрініс тапты. Өйткені, Астана қаласында, Хан Шатыр ойын сауық орталығына қарсы бетте "I love Astana" деген архитектуралық нысан пайда болды. 

Бұл нысан 5 маусым қойылды. Содан бері астаналықтар үшін селфи жасауға ыңғайлы орынға айналды.

Бұл Астана қалалық әкімшілігінің бастамасымен жасалған нысан. Әзірге жастардың көңілінен шығып отыр. Күндіз-түні кезекке тұрып селфи жасап жатқандардың, жоғарыда келтірген хэштег бойынша әлеуметтік желілерге салып жатқандардың саны өте көп.

"I love Astana" нысанының биіктігі 2,5 метр, ұзындығы 14 метр болады. Егер бұл нысан көпшіліктің көңілінен шығып жатса, болашақта қала беруі де әбден мүмкін.

Көпшіліктің айтуынша аталмыш нысан кеш батқанда неон түске айналады екен. Бұл фотоның өте әсерлі әрі тартымды шығуына мүмкіндік береді.

Әзірлеген: Досжан Мейірім.