Астанада велосипед ұрлаған тұрғын қамауға алынды

Астанада дүңгіршекті бұзып кіріп, велосипед ұрлаған тұрғын қамауға алынды, деп хабарлайды El.kz ақпарат агенттігі. 

Бейтаныс ер адам түнгі уақытта Абай даңғылы бойындағы дүңгіршектен бөтеннің велосипедін алып шыққаны бейнебақылау камераларына түсіп қалған.

Оқи отырыңыз:

• УЕФА түрмеде жатқан Қайрат Боранбаевтың қызметін сақтап қалған
• 15 жастағы қызды жүкті қылған Абай облысының тұрғынына сот үкімі шықты

Жедел-іздестіру іс-шаралары барысында полицейлер велосипедті алған адамның жүру бағытын қадағалап, оны тұрғылықты жерінде ұстады. Ол бұрын ұрлық жасағаны үшін істі болған 32 жастағы астаналық тұрғын болып шықты.

Ер адам дүңгіршекке кіріп, сөредегі сусындармен қоса велосипедті ұрлап, шамамен 200 мың теңге көлемінде шығын келтіргені анықталды.

Қазіргі уақытта күдікті ПД-ның уақытша ұстау изоляторына қамалды. Оның бұрын жасалған осыған ұқсас қылмыстарға қатысы анықталып жатыр.

Аталған дерекке қатысты ҚР ҚК-нің 188-бабы (Ұрлық) бойынша сотқа дейінгі тергеу амалдары жүргізіліп жатыр.