Астанада титулдық жекпе-жектен кейін жанкүйерлер трибунаны тазартты

«Барыс Арена» спорт кешенінде өткен бокс кешінен кейін волонтерлер мен жанкүйерлер азаматтық жауапкершіліктің жоғары деңгейін үлгі етті. Олар сүйікті спортшыларын қолдап қоймай, трибуналардағы қоқысты жинап, аренаны таза қалдыру міндетін де қолға алды. Бұл туралы әкімдіктің ресми сайтына сілтеме жасай отырып El.kz ақпарат агенттігі хабарлайды.

Мұндай игі бастамалар Астанада барған сайын танымал бола түсуде. Елорда тұрғындары мен қонақтары «Таза Қазақстан» ауқымды экоакциясын белсенді түрде қолдайды. Елордада жанкүйерлердің жаңа мәдениеті, сол сияқты сүйікті спортшылардың қолдауы тазалықпен және тәртіппен үйлесіп жатады.

Керемет кештен кейін эмоциямыз тасып тұрған шаққа қарамастан келеңсіз жағдайды назардан тыс қалдыра алмадық. Осындай игі іске өз үлесімді қосқанымды мақтан тұтамын және бұл іс жанкүйерлер мәдениетін нығайтады деп сенемін. Тазалық пен тәртіп тек спортқа ғана емес, қаламызға және бір-бірімізге деген құрмет, - деп атап өтті жанкүйерлердің бірі.

Еске салайық, елордада бокс кеші өтті. Оның басты жекпе-жегінде WBO және IBF тұжырымдары бойынша орта салмақтағы әлем чемпионы атағы үшін қазақстандық Жәнібек Әлімханұлы мен француз Анауэль Нгамиссенгуе күш сынасты. Сонымен қатар, бокс кешінде қазақтың белгілі боксшылары Сұлтан Зауырбек, Батыр Жүкембаев, Махмұд Сабырхан, Төрехан Сабырхан, Ақниет Әлімбай және Балауса Мұздиман шаршы алаңға шықты.