Астанада шығыс медицинасына жүгінген тұрғын қайтыс болды

Дәстүрлі емес шығыс медицинасы бойынша ем алған тұрғын көз жұмды, деп хабарлайды El.kz ақпарат агенттігі.

Күдіктінің тиісті куәліктері мен лицензиялары жоқ екені белгілі болды. Сондай-ақ бұрын соңды медициналық қызметпен айналысқан.

Ұйықтай беру, әлсіздік шағымымен клиникаға жүгінген жәбірленушіге Қазақстан Республикасында лицензияланбаған препарат инъекциясы енгізіліп, содан кейін оның әл-ауқаты күрт нашарлаған. Науқас есін жимастан біраз уақыттан кейін қайтыс болды, - делінген Астана қалалық прокуратура ақпаратында.

Сараптаманың қорытындысы бойынша өлімнің себебі анафилактикалық шок болды.

Сот үкімімен кінәлі адам медициналық қызметпен айналысу құқығынан айырылып, сотталды. Прокуратура азаматтарды осы қызмет түрімен айналысуға тиісті рұқсаты жоқ адамдарға медициналық көмекке жүгінбеуге шақырады.