Астанада паркингте тұрған көлік өртенді

Астана қаласының ТЖД бөлімшесіне өрт туралы хабарлама 9 тамызда сағат 13:54-те түскен, деп хабарлайды El.kz ақпараттық агенттігі.

Оқиға елордадағы Ақан сері көшесіндегі паркингте болған.

Өрт сөндірушілер келгеннен кейін 6 минуттан кейін көпқабатты тұрғын үй кешенінің паркингінде Range Rover маркалы автокөлік жанып, қатты түтін пайда болғаны анықталды.

Өрт сөндіру барысында елордалық өрт сөндірушілер 5 адамды құтқарды, оның ішінде 1 бала, 150 адам эвакуацияланды, оның ішінде 30 бала, - делінген мәліметте.

Құрбандар мен зардап шеккендер жоқ. Қалалық ТЖД мәліметінше, өрт сөндірушілердің күшімен сағат 14:40-та өрт жойылды.

Өрт сөндіруге, құтқаруға және салдарын жоюға Астана қаласы ТЖД жеке құрамының 57 адамы мен 14 техникасы, сондай-ақ Апаттар медицинасы орталығының 3 адамы мен 1 техникасы және 3 адам және 103 қызметінен 3 адам мен 1 бірлік техника жұмылдырылды, - делінген.

Қазіргі уақытта арнайы машинаның көмегімен желдетілмейтін паркингтен түтін шығару жұмыстары жүргізіліп жатыр.