Астанада мемлекеттік мекемелердің БАҚ-пен байланысын арттыруға арналған курс өтеді

Мәдениет және ақпарат министрлігі 2024 жылғы 5-6 тамызда ҚР Президенті жанындағы Мемлекеттік басқару академиясымен, «Медиа дамыту қоры» КҚ-мен бірлесіп, «Мемлекеттік мекемелер мен БАҚ арасындағы тиімді коммуникациялар» тақырыбында курс өткізеді. МО және ЖАО-ның БАҚ-пен өзара байланыс орнату жөніндегі уәкілетті тұлғалары (бөлімшелер) үшін арнайы бағдарлама әзірленді, деп хабарлайды El.kz ақпарат агенттігі.

Ведомство мәліметінше, іс-шара уәкілетті тұлғалардың жұмыс сапасын арттыруға, мемлекеттің заңнамалық және өзге де бастамаларын мазмұнды түсіндіруге, БАҚ арқылы халықты сенімді ақпаратпен уақтылы хабардар етуді қамтамасыз етуге бағытталған.

Спикерлер ретінде мемлекеттік органдардың өкілдері, жетекші медиа жаттықтырушылар, стратегиялық және дағдарыстық коммуникациялар саласындағы мамандар сөз сөйлейді.

Оқыту курсы мына мекенжай бойынша өтеді: Астана қ.,ҚР Президентінің жанындағы Мемлекеттік басқару Академиясы, Абай даңғ., 33А, Көк зал.

Курс бағдарламасы ҚР Мәдениет және ақпарат министрлігінің сайтында жарияланған.