Астанада көпқабатты тұрғын үйден өрт шықты

Астана қаласы Есіл ауданының көппәтерлі тұрғын үйлерінің бірінде өрт шықты, деп хабарлайды El.kz ақпарат агенттігі.

ТЖМ мәліметінше, оқиға орнына шұғыл түрде өрт сөндірушілер жеткен.

ТЖМ құтқарушылары қыз баланы құтқарып, үш адамды эвакуациялады. Өрт сөндірілді, - делінген мәліметте.

Белгілі болғандай, сегіз қабатты тұрғын үйдің 7-қабатындағы пәтерде 5 шаршы метр алаңда жиһаз бен керілген төбе өртенген.