Астанада бірінші ауысым оқушылары мектепке бармайды

 Елордада 0-9 сынып оқушыларына сабақ онлайн өтеді, деп хабарлайды El.kz ақпараттық агенттігі.

«Ауа райының қолайсыздығына байланысты 5 желтоқсан күні бірінші ауысымның 0-9 сынып оқушылары қашықтан оқыту форматына ауыстырылады», - делінген Астана қаласы Білім басқармасының мәліметінде.

Мектеп оқушылары мен 1-2 курс колледж студенттерін күн райы бұзылған жағдайда қашықтан оқыту форматына көшіру параметрлері:

- ауа температурасы 25-29 градус, желдің жылдамдығы 2-4 м/с болған жағдайда 0-4 сыныптар;
- ауа температурасы 25-29 градус, желдің жылдамдығы 5 м/с болған жағдайда 0-9 сыныптар;
- ауа температурасы 30-34 градус, желдің жылдамдығы 2-4 м/с болған жағдайда 0-9 сыныптар;
- ауа температурасы 30-34 градус, желдің жылдамдығы 5 м/с болған жағдайда 0-11 (12) сыныптар, колледждер (1-2 курс);
- ауа температурасы 35 градус, желдің жылдамдығы 2 м/с болған жағдайда 0-11 (12) сыныптар, колледждер (1-2 курс);
- бұрқасын және желдің жылдамдығы 15 м/с және одан жоғары болғанда 0-11 (12) сыныптар, колледждер (1-2 курс);
- бұрқасын күшейгенде, желдің жылдамдығы 10 м/с және одан жоғары болғанда, көру мүмкіндігі төмендегенде 0-11 (12) сыныптар, колледждер (1-2 курс).