Астанада бас шыршаның шамы жағылды

Астанада бас шыршаның шамы салтанатты түрде жағылды, деп хабарлайды El.kz ақпарат агенттігі.

Мерекелік шара аясында елорда тұрғындары мен қонақтарына арналған қазақстандық эстрада жұлдыздары, оның ішінде Қайрат Баекенов, Ринат Малцагов, AYREE, балалар хоры және би ұжымдары өнер көрсетті.

Қалалық мәдениет басқармасының мәліметінше, бас шыршаның шамын жағу іс-шарасына шамамен бес мыңға жуық адам қатысты. 

Айта кетейік, "Астана Арена" тұрағында орналасқан бас шыршаның биіктігі – 25 метр.