Астанада қарақалпақ фольклорына арналған ғылыми-тәжірибелік конференция өтеді

Астандағы Л.Н.Гумилев атындағы Еуразия ұлттық университетінде филология ғылымының докторы, профессор Каллы Айымбетовтің қарақалпақ фольклорының негізін қалағанына 110 жыл толу құрметіне байланысты «Қарақалпақтар фольклоры» атты халықаралық деңгейдегі ғылыми-тәжірибелік конференция өтеді.

Ғылыми-тәжірибелік конференцияның бағдарламасы бойынша Н. Давкараев атындағы Тіл және әдебиет институтының директоры, ф.ғ.к Айтмурат Альниязов «Каллы Айымбетовтің ғылыми жұмысы мен өмір жолы» атты, Әжінияз атындағы Нөкіс мемлекеттік педагогикалық институтының профессоры Махсетаим Айымбетов, сондай-ақ Әжінияз атындағы Нөкіс мемлекеттік педагогикалық институты қарақалпақ әдебиеті кафедрасының меңгерушісі, профессор Кенесбай Алламбергенов «К. Айымбетовтің ғылымдағы үлесі» атты баяндама жасайды деп жоспарлануда.