Астанада 280 түлек «Алтын белгі» иегері атанды

Астанада 25 жылда алғаш рет «Елорда мақтанышы» атты ауқымды мектеп бітіру кеші ұйымдастырылды. Оған елордалық мектептердің барлық түлегі қатысты.

Елорда әкімдігінің мәліметінше, биыл 9,5 мыңнан астам оқушы білім ошағын тәмамдады. Олардың ішінде 280 түлек – «Алтын белгі» иегері, ал 607-сі үздік белгімен бітірді.

Іс-шара «Барыс Аренада» өтті. Жиында Мемлекет басшысы Қасым-Жомарт Тоқаевтың құттықтауын ҚР Парламенті Сенатының төрағасы Мәулен Әшімбаев оқып берді. Сол сияқты мектеп түлектерін Астана әкімі Жеңіс Қасымбек, ғылым және жоғары білім министрі Саясат Нұрбек құттықтады.

Белгілі әртістердің қойылымдары, түрлі салаларда үлкен жетістіктерге жеткен тұлғалардың пікірі жастарға ерекше рух сыйлады.
Олардың қатарында әлемнің үшінші ракеткасы Елена Рыбакина (видео құттықтау), Олимпиада чемпионы Серік Сәпиев, QazVac қазақстандық вакцинасын әзірлеуші Күнсұлу Закария, 7 тілді меңгерген, 9 жетекші шетелдік университеттен шақырту алған Ақтоты Асановтың ең жас полиглоты Әмір Артықбаева және басқалар бар, - делінген мәліметте.

Ауқымды жиында түлектер арнайы жолдауы бар уақыт капсуласын салды. Ол 25 жылдан кейін ашылады, ал оған дейін капсула оқушылар сарайында сақталады.

Кеш барысында түлектер шығарған ән шырқалып, мерекелік іс-шараның сәнін арттырды.