«Астана» футбол клубына қаржылай қолдау көрсетіледі

«Астана» футбол клубы қаржылық қиындықтарға тап болды. Осыған байланысты Спортты қолдау қоры мәлімдеме жасады, деп хабарлайды El.kz ақпараттық агенттігі. 

Клуб ойыншылары соңғы айларда жалақы ала алмай жүрген. Қор осы мәселені шешуге кірісіпті.

Бүгінгі таңда бюджеттен тыс қаражат бөлу туралы қаулыны күтіп отырмыз. Қаулы қабылданғаннан кейін «Астана» ФК үшін 2023 жылға бюджеттен тыс қаржы бөлу басталады. Сонымен қатар қор клубтың спорттық және әкімшілік қызметкерлеріне жалақы төлеу үшін қаржы бөлді. Осыған байланысты жаттығу және спорт процесі бұзылған жоқ, - делінген қордың мәлімдемесінде.