Чемпиондар лигасының іріктеу кезеңіндегі жауапты матчта «Астана» сырт алаңда Тбилисидің «Динамо» клубын жеңді, деп хабарлайды El.kz ақпарат агенттігі.
Тбилисидегі (Грузия) ойын елорда клубының жеңісімен аяқталды — 2:1.
Оқи отырыңыз:
Ойын есебін 22-минутта Усман Камара ашып, «Динамо» клубын алға шығарған. Бірінші таймда есеп өзгеріссіз қалғанымен, үзілістен соң қонақтар сапынан алдымен 50-минутта Абзал Бейсебеков мергендік танытса, 51-минутта Дембо Дарбо жеңіс голын соқты.
Осылайша, «Астана» Чемпиондар лигасының екінші іріктеу кезеңіне өтті.
Елордадағы бірінші ойын 1:1 есебімен тең аяқталған.