«Астана» - «Челси» матчына билеттер сатылымға шықты

«Астана» - «Челси» матчына билеттер сатыла бастады, деп хабарлайды El.kz ақпарат агенттігі.

Клубтың баспасөз қызметінің мәліметінше, билеттер www.zakazbiletov.kz сайтында қолжетімді болады.

Осы матчқа деген қызығушылық танытқандар көп болуына байланысты билет сату бойынша келесі қауіпсіздік шарттары қарастырылған:

• Бір қолға 4 дана билет сатылады: сатып алу электрондық пошта, телефон нөмірі және несие картасын тіркеу арқылы жүзеге асырылады;
• Билеттер жеке тұлғаға рәсімделеді, тапсырыс беру кезінде әрбір келушінің деректерін енгізу қажет, матчқа барған кезде өзімен бірге растайтын құжат болуы тиіс;
• Матчқа қатысу құқығын беретін QR коды бар электрондық билет матч күні электрондық поштаға жіберіледі;

www.zakazbiletov.kz сайтындағы кезектің артуына байланысты, онлайн кезек іске қосылуы мүмкін.

УЕФА Конференциялар лигасының жалпы кезеңінің матчы 12 желтоқсанда, сағат 20:30-да Алматының «Орталық» стадионында өтеді.