Астана әуежайында жолаушы ұшақтан секіріп кетпек болды

Әлеуметтік желіде тараған қысқа видеодан ер адамды ұшақ қызметкері мен жолаушылардың қоршап алғанын көруге болады, деп хабарлайды El.kz ақпарат агенттігі.

Куәгерлердің айтуынша, ер адам өзін жайсыз сезініп, ұшақтың алдыңғы жағына қарай өткен. Кейін әуе кемесінің ұшуға дайындалып жатқанын біле тұра, есікті ашуға әрекеттенген. Алайда жолаушылар мен экипаж мүшелері оны дер кезінде тоқтатқан.

Оқиғаға байланысты әлеуметтік желі қолданушылары әртүрлі пікір білдіруде. Бірі «Мүмкін, фобиясы бар шығар» десе, енді бірі «Ұшақтың есігін ашса, миллиондаған айыппұл төлер еді» деген пікірде. Сондай-ақ, кей оқырмандар «Паникалық шабуыл кезінде адам өзін басқара алмауы мүмкін» деп түсіністік танытқан.

Әзірге әуе компаниясы бұл оқиғаға қатысты ресми мәлімдеме жасаған жоқ.