Астана: Онкологиялық орталықта ашық есік күні өтеді

Ертең бүкіләлемдік сүт безінің қатерлі ісігіне қарсы күрес күні. Осыған орай елорданың Онкологиялық орталығында сағат 11.00-де онколог, маммолог мамандардың қатысуымен әйелдердің денсаулығын қорғау бойынша ашық есік күні өтеді. Бұл туралы қала әкімдігінің сайты хабарлады.

Сондай-ақ, алдын алу бөлімінің және салауатты өмір салтын ұйымдастырушы дәрігерлер үшін: «Сүт безінің қатерлі ісігі. Ерте анықтау» тақырыбында қалалық семинар өткізіледі. 

Салауатты өмір салтын қалыптастыру орталығының хабарлауынша, Астана қаласында аталған сыртқатпен ауыру көрсеткішінің 165,8-ден (2014ж) 198,4-ге дейін (2015ж) артқаны және өлім-жітім көрсеткішінің 100 мың халыққа шаққанда 82,8-ден 86,6-ға дейін өскені байқалып отыр.

2016-2019 жылдарға арналған «Денсаулық» ҚР денсаулық сақтау мемлекеттік бағдарламасын іске асыру шеңберінде онкологиялық ауруларды басқарудың интеграцияланған моделін енгізу бағытында белсенді негізде жұмыс жүргізілуде.