«Армандар орындалған Астана» фотобайқауының жеңімпаздары марапатталды

Үстіміздегі жылдың 1-30 маусым аралығында El.kz интернет-жобасы негізінде Астана күніне орай республикалық деңгейде «Армандар орындалған Астана» фотобайқауы өткен болатын. 3 шілде күні жеңімпаздар анықталып, El.kz порталының «Таңдаулы жаңалықтар» айдарында жарияланған болатын. Бүгін үштікке енген қатысушыларды марапаттау рәсімі өтті. "Қазконтент" АҚ Басқарма төрағасының интернет-жобалар жөніндегі орынбасары Қабдығалиев Абзал Зайдуллаұлы жеңімаздарға арнайы диплом мен азын-аулақ сыйлық табыс етті.