Арктикада рекордтық деңгейде жылы болды

Биыл жаз маусымында Арктика аймағындағы орташа ауа температурасы бүкіл бақылау тарихындағы ең жоғары көрсеткішке жеткен, деп хабарлайды El.kz интернет порталы.

Бұл туралы АҚШ-тың Ұлттық мұхит және атмосфераны зерттеу басқармасы мәлім етті.

Былтырғы жылы Арктикадағы төменгі атмосфера қабатындағы орташа ауа температурасы 1900 жылдан бергі кезеңде алтыншы ең жылы жыл болып тіркелді және ол шамамен Фаренгейт бойынша 20 градусқа (Цельсий бойынша минус 7 градусқа) тең болды. Ал жазғы маусымдағы орташа температура бақылау тарихында ең жоғары көрсеткішке жетіп, Фаренгейт бойынша 43 градусқа (Цельсий бойынша 6,4 градусқа) жетті, - делінген

Басқарманың ресми сайтында жарияланған есепке сәйкес, 1940 жылдан бері Арктикадағы орташа жылдық температура әр он жыл сайын шамамен 0,25°C-қа, ал жазғы орташа температура 0,17°C-қа көтеріліп отырған.

Ғалымдар сондай-ақ 2023 жылы Арктикадағы теңіз мұзының көлемі азаюын жалғастырғанын анықтады.

Биыл теңіз мұзының ауданы 1979 жылы басталған спутниктік бақылаулар тарихындағы алтыншы ең төмен деңгейге жетті. Сонымен қатар, бұрыннан бар қалың көпжылдық мұз 1980-жылдармен салыстырғанда әлдеқайда жұқа болған, - делінген баяндамада.